طفلة بتحبى تحت سطح الروح(10)
القاهرة: الهيئة العامة لقصور الثقافة,1994.
100ص ؛ 19 سم. ـ ( أصوات أدبية/135)
(رقم الإيداع: بدون)
--------------------------------------------------------------------------------
طارت مناديل السعادة(97)
القاهرة:الهيئة العامة لقصور الثقافة, 1999.
136 ص ؛ 19 سم. ـ ( أصوات أدبية/264)
(رقم الإيداع:13097/99)
--------------------------------------------------------------------------------
إشارات:
• طاهر محمود حسن البرنبالى
• 22/11/1958, برنبال, كفر الشيخ.
• عضو اتحاد الكتاب
• عضو أتيليه القاهرة.
• عضو جمعية المؤلفين والملحنين.
• أصدر: ( طالعين لوش النشيد, إشراقات أدبية58 , هيئة الكتاب,1989.)
• له العديد من الأغنيات الفردية وضمن مسلسلات مثل: ( بعض الأغانىبمسلسل أيام المنيرة, ومسلسل حياة الجوهرى, وأغانى مسرحية /طعم الكلام/ بمسرح الطليعة, واغانى مسرحية / عشا العميان/ بمسرح السلام)
• نشرت له جريدة أخبار الأدب: ( قصائد من هنا وهناك 5/4/98, يا عم قوم5/11/2000)
• نشرت له مجلة الثقافة الجديدة : ( من حقك من حقي بالعدد103 فى98, طوفان محمد الشهاوى بالعدد123 فى1999 .)
--------------------------------------------------------------------------------
كتب عن الديوان(عبد الغنى داود) بمجلة الثقافة الجديدة بالعدد(59) تحت عنوان" طفلة بتحبى تحت سقف الروح". كما كتب عنه الناقد( د/ سيد البحراوى) دراسة جيدة , تحت عنوان " فن الانتماء فى شعر طاهر البرنبالى" والتى نشرت فى ديوانه( طالعين لوش النشيد).
والديوان الأول(10) يضم القصائد التالية: ( أشجان/عطشان لريق الشمس والمغنى/قصايد م الألم والخوف/القاهرة واخده قصايد شعرها منك/طفلة بتحبى تحت سقف الروح/انا المهيأ / قطن الخدود واللا عطش بيتنا/الفطام/حنين تانى/ ونس الحبايب/طعم القصيدة/ عم حجاج/ هنا القيامة/ تأجيل/أغنيات لبكره اللى جى" وتضم الأغنيات التاليه: عصفور, أعيشك يا بكره, آه, حزن اليمام,قليل,ريح المحن,باب الأمل,نتقابل,هاسكن في قلبك,فرح السنين,ياصبر يومي, حكاية القمر,انت اتخدعت,با نادى, تتألم الشوارع, مسجون, ليه ياحمام.)
والديوان يمثل إضافة جديدة ؛وقت إصداره, ونختار منه هذه القصيدة:
قمر السنين ماغابش عن دارك
وماتحسبيش ان القمر بيموت
حة الزمان الردى بالهم غدارك
ماقدرش يحبس فرحتك بالنور
ولاقل يوم ف القلب مقدارك
يانصرة القلب الكسير ف الليل
الحسن ساكن عصبتك ترتر
انتى اللى وشك جميل
أجمل من الفجر الشهى
وأرق من صبح الحليب والندى
مش قلت لك يامه كتير
مفطوم على لبن الخصام ويا العدا
قولى لابويا ان الولد طاهر
من فوق سطوح الألم حمحم بكفه للحمام غله
مسحت خدود الشمس دمعتها
هى الجريئة الجريحه.. واللى مادام عيدها
مش كان بيفرح والحماح زغاليل
قولى لأبويا
ابنك ماسابشى للغبار حبله
يرخى المدار ف الليل أو يتسند ع الحيط
ابنك من الزمن البعيد
طالع ربيع نعناع بيحب راس الغيط
وبيعشق الموال بطين أخضر
وبيستغيث بالبحر
لما النزيف بيطيش
ويرج صحن البيت.
أما الديوان الثانى(97) فيضم القصائد التالية:
( أشعار حصاد الحب,اعتراف زلزالي/طارت مناديل السعادة,منى إليك,زينب بتنه ع الأبجديه تكون,منين سما الغايبين فى ضلي, عشانى وعشانكو, هاله القمر الوحيدة,بين الحقيقة وبينى،من حقك من حقى,قصايد من هنا وهناك,أغنيات مصرية.)
ونختار من الديوان ، هذه المقاطع:
• الجرح مش تنهيد
والفرح مش حنه
قمر الليالى بعيد
أرض الوصال جنه
• غيبى عليا وطولى حبه
نار اشتياقى ف الغياب بتزيد
قلبى اللى بين شعرا وأطبه
لازم يقابلك آخر المواعيد
• ماتعيطوش لو مت متعكر
انا اللى كان ضحكى رايق
تتباهى بيه الخلايق
ماتعيطوش لو مت متعكر
بكره اللسان اللى صان
يجرى عليه السكر.
• وف كل مرة تكون شهيد
شاهد وشهد وشهم شاهر شهوتك للعيد
ايه اللى خلاك النهارده تنطفى قبل الأوان
وتسرب الأحلام من بين مواجع جتتك زغاليل يمام
وركبت ليه فرس الملام ولاعدت فارس
كابسه عليك الهموم ومتلته الأسئله
كان ابقى ليك تفضل شهيد
واللا تعيش منزوف نشيد؟
